Pnpkhabar.com | Nepali Online News, Videos & Entertainment श्रीमानलाई कारागारबाट छुटाइदिने लोभ देखाई श्रीमतीलाई बलात्कार गरेको आरोपमा राष्ट्रिय जनता पार्टीका नेता पक्राउ - Pnpkhabar.com मुख्य समाचार

श्रीमानलाई कारागारबाट छुटाइदिने लोभ देखाई श्रीमतीलाई बलात्कार गरेको आरोपमा राष्ट्रिय जनता पार्टीका नेता पक्राउ

शर्मिला गुरुङ,
December 4, 2018

सप्तरी, १८ मङ्सिर  : कारागारबाट छुटाउन पहल गर्छु भन्दै एक बन्दीकी श्रीमतीसँग लाखौँ रुपैयाँ ठगी गर्नुका साथै बलात्कार गरेको आरोपमा सप्तरीको छिन्नमस्ता गाउँपालिका निवासी राष्ट्रिय जनता पार्टीका एक नेता पक्राउ परेका छन् ।

राजपा नेपाल जिल्ला कोषाध्यक्ष रहेका छिन्नमस्ता–५ लोखरमका मनोजकुमार मेहतालाई सो आरोपमा पक्राउ गरिएको जिल्ला प्रहरी कार्यालयले जनाएको छ । उक्त कार्यालयका प्रहरी नायब उपरीक्षक भावेश रिमालका अनुसार आइतबार पक्राउ परेका मेहताविरुद्ध बलात्कार तथा ठगी दुवै मुद्दा दर्ता गरी कारवाही अगाडि बढाइएको हो ।

उक्त पार्टीका सदस्य सुनिलकुमार झाले पार्टीका साथीले जानकारी गराएपछि आफूले थाहा पाएको बताउनुभयो ।
राजविराज कारागारमा पुर्पक्षका लागि थुनामा रहेका पीडितका श्रीमानलाई छुटाइ दिने आश्वासन दिलाइ मेहताले पटकपटक गरी रु साढे दश लाख ठगी गर्नाका साथै बलात्कार पनि गरेको पीडितको जाहेरीमा उल्लेख छ । रासस

प्रतिक्रिया