Pnpkhabar.com | Nepali Online News, Videos & Entertainment दुई थान पेस्तोलसहित भारतीय पक्राउ - Pnpkhabar.com

दुई थान पेस्तोलसहित भारतीय पक्राउ

रबि धिताल

विराटनगर, २८ जेठ : दुई थान पेस्तोल र गोलीसहित एक जना भारतीय नागरिकलाई प्रहरीले विराटनगर क्षेत्रबाट पक्राउ गरेको छ । प्रदेश १ प्रहरी कार्यालय विराटनगरका अनुसार भारत विहार सितामढी ग्राम पञ्चायत थान बैरगनिया–७ घर बताउने अन्दाजी २० वर्षीय कुनाल कुमारलाई विराटनगर–९ स्थित एक होटलवाट सोमबार राति पक्राउ गरेको हो ।

जिल्ला प्रहरी कार्यालय मोरङलाई आएको गोप्य सूचनाको आधारमा जाँच गर्ने क्रममा अटोमेटिक पेस्तोल थान–१, सोही पेस्तोलको म्याग्जिन थान–१, म्याग्जिनमा लोड भएको गोली चार राउण्ड, कटुवा पेस्तोल थान–१, पेस्तोलमा लोड भएको गोली १ राउण्ड र निजले लगाएको पाइन्टको गोजीबाट कटुवा पेस्तोलमा लाग्ने ३ राउण्ड गोली बरामद गरिएको थियो । निज कुनाललाई मुलुकी फौजदारी अपराध संहिता ऐन २०७४ अन्तर्गतको कसुरमा आवश्यक अनुसन्धान भइरहेको प्रहरीले आज जनाएको छ । रासस

प्रतिक्रिया