काभ्रे/धुलिखेल , २ साउन : हिजो राति परेको अविरल वर्षाका कारण काभ्रेको धुलिखेलमा घर भत्किएको छ ।
धुलिखेल नगरपालिका वडा नं ११ पात्लेखेतमा पसल गरी बस्ने सविन धिताल (बच्चु)को घर बिहीबार विहान ४ बजे भत्किएको हो ।
घर भत्किए पनि मानवीय क्षति भने नभएको जिल्ला प्रहरी कार्यालय काभ्रेले जनाएको छ। घर भत्किदा ३० लाख बराबरको क्षति भएको पत्रकार रवि धितालले घरधनीलाइ उद्धृत गर्दै जानकारी दिए ।
भत्किएकाे घरमा विहानै देखि नेपाल आर्मी, स्थानीय जनप्रतिनिधि र प्रहरीको टोलीले उद्धार जारी राखेका छन् । सविनले उक्त घरमा मासु पसल र होटल संचालन गर्दै आएका थिए ।