प्रेम सम्बन्धमा बाधिएका जोडीहरुका लागि विशेष दिन हो। तर भारतका अहमदाबादका सिंगलका लागि पनि यो दिन उत्तिकै विशेष हुने भएको छ ।
‘एमबीए चायवाला नाम’को चिसा पसलका संस्थापक प्रफुल बिलोरले ‘भ्यालेन्टाइन्स डे’को दिन सबै सिंगललाई निःशुल्क चिया खुवाउने घोषणा गरेका छन् । उनीहरुले फेसबुकमा एउटा पेज पनि बनाएका छन् जसको नाम राखिएको छ, ‘फ्रि चाय फर सिंगल्स ।’
उक्त फेसबुक पेजमा लेखिएको छ, ‘यो भ्यालेन्टाइन्स डेमा, एमबीए चायले सबै सिंगलबारे सोचेको छ । निःशुल्क चिया, धेरै माया र प्रेरणा । आउनुहोस्, एमबीए ।’ यसबारे जानकारी दिँदै संस्थापक भन्छन्, ‘जोडीले मात्र सबै कुरामा मज्जा लिने भन्ने छ ? सिंगललाई पनि पुल्पुल्याउन आवश्यक छ । त्यसकारण यसवर्ष हामी सिंगलका लागि निःशुल्क चिया बाँड्दै छौं ।’ भ्यालेन्टाइन्स डेमा बिहान सात बजेदेखि बेलुकी १० बजेसम्म चिया बाँडिने उनले जानकारी दिए ।