जर्नी राउन्डमा छानिएका १३ जनालाई पछि पार्दै आयुष उपाधिले ‘हिमालय रोडिज सिजन २’ को उपाधि चुम्न सफल भएका हुन् ।
हात्तीवन सामुदायिक जंगलमा यसको फाइनल कार्यक्रम आयोजना गरिएको थियो । फाइनलमा आयुष श्रेष्ठ, पिरबिर घले र तेजश बस्नेतले प्रतिस्पर्धा गरेका थिए ।
आयुषले उपाधिसँगै १० लाख ९० हजार नगद, २५० सिसीको यामाह एफ जेड बाइक प्राप्त गरेका छन् । विजेताले २० लाख नगद जित्न सक्थेँ । तर, जर्नी राउन्डमा खेलाइएका खेलहरुबाट उनले १० लाख ९० हजार जित्न सफल भएका हुन् ।
हिमालय रोडिजमा प्रतिस्पर्धीहरुको शारीरिक, मानसिक र बौद्धिक क्षमता मात्र नभएर उनीहरुको सामाजिक व्यवहारको पनि मूल्यांकन भएको थियो । गत वर्षको सिजन जस्तै यसपालि पनि निर्णायक टिममा रेमनदास श्रेष्ठ, दिया मास्के र आशीष राना थिए । यो रियालीटी शोको निर्देशन अमन प्रताप अधिकारीले गरेका हुन् ।