काठमाडौं : आज मङ्गलबार सुनको मुल्य अहिलेसम्मै उच्च विन्दुमा पुगेको छ । अघिल्लो साताबाट लगातार बढेको सुनको भाउ आज पनि ५ सय रुपैयाँले बढेको छ ।
आज छापावाल सुन प्रतितोला ६५ हजार ५ रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ। हिजो छापावाल सुन प्रतितोला ६५ हजार रुपैयाँमा कारोबार भएको थियो ।
त्यस्तैगरी आज तेजावी सुनको भाउ पनि उकालो लागेको छ । आज तेजावी सुन प्रतितोला ६५ हजार २ सय रुपैयाँमा कारोबार भइरहेको छ। यसअघि तेजावी सुन ६४ हजार ७ सय रुपैयाँमा कारोबार भएको थियो ।
आज सुनको भाउ बढेपनि चाँदीको मुल्य भने स्थिर रहेको छ । आज चाँदी प्रतितोला ७ सय ४० रुपैयाँमा कारोबार भईरहेको छ।