अमिताभ बच्चनको स्वास्थ्य लाभको कामना गर्दै भारतका विभिन्न ठाउँमा पूजापाठदेखि यज्ञसम्म

रबि धिताल

काठमाण्डौ : बलिउडका महानायक अमिताभ बच्चनमा कोरोना सङ्क्रमण भएपछि स्वास्थ्य लाभको कामना गर्दै भारतका विभिन्न ठाउँमा पूजापाठ भएका छन् ।

यस्तै कतिपय ठाउँमा यज्ञ पनि गरिएको छ । अमिताभ बच्चन लगायत छोरा अभिषेक बच्चन, बुहारी ऐश्वर्या राय बच्चन र नातिनी आराध्या बच्चनमा पनि कोरोना सङ्क्रमण पुष्टि भएको छ ।

अमिताभ बच्चनले शनिबार राति ट्वीट गर्दै आफूमा कोरोना सङ्क्रमण भएको जानकारी गराएपछि फ्यानहरुले प्रार्थना गर्न थालेका हुन् । कलकत्तामा अमिताभ बच्चनको स्वास्थ्य लाभको कामना गर्दै यज्ञको आयोजना गरिएको छ । कलकत्ताको श्याम बजारमा रहेको शिव मन्दिरमा त्यहाँका मानिसले यज्ञ गरेका हुन् । यस्तै अल सेलिब्रेटी फ्रेन्ड्स क्लबका सदस्यले पनि बेहालाको चौरस्ता क्षेत्रमा भव्य पूजाको आयोजना गरेका छन् ।

कलकत्ता बाहेक मुम्बई तथा मध्यप्रदेशमा पनि अमिताभ बच्चनको स्वास्थ्यको कामना गर्दै पूजा समारोहहरु भइरहेका छन् । मध्यप्रदेशको प्रख्यात उज्जैन मन्दिरमा अमिताभ र परिवारका सदस्यको स्वास्थ्य कामना गर्दै विशेष पूजा गरिएको छ ।

प्रतिक्रिया