justnep single

कतारमा प्रहरीका लागि ‘डिमाण्ड’ आएकै छैन, ठगीबाट बच्नुस् : विभाग

admin

काठमाडौं, २३ चैत्र : वैदेशिक रोजगार विभागले म्यानपावर तथा एजेण्टबाट बच्न आग्रह गरेको छ । पछिल्लो समय कतार प्रहरीमा पठाइदिने भन्दै विभिन्न म्यानपावरहरुले श्रमिकबाट पासपोर्ट सङ्कलन गर्ने, अन्तर्वार्ता लिने, पैसा माग्ने लगायतका अवैधानिक कार्यहरु गरिरहेको भन्दै त्यसबाट बच्न विभागले आग्रह गरेको हो ।

वैदेशिक रोजगारीको गन्तव्य देश कतारमा नेपाली कामदार पठाउने काम निरन्तर चलिरहेको तर कतार प्रहरीको लागि नै भनेर कुनै पनि ‘डिमाण्ड’ नआएको विभागले जनाएको छ । कतारमा रहेको नेपाली दूतावासबाट कतार प्रहरीको लागि भनेर कुनै मागपत्र प्रमाणीकरण भइ नआएको र विभागबाट पनि त्यस्तो पूर्व स्वीकृति नदिइएको विभागले प्रष्ट पारेको छ ।

यस्तै कुन-कुन गन्तव्य देशमा के-कस्तो कामको लागि कति संख्यामा कामदारको माग आएको तथा कुन म्यानपावरले पठाउने लगायत सम्पूर्ण जानकारीको लागि विभागको वेबसाइट मार्फत यकिन गरेर सम्भावित ठगीबाट बच्न पनि विभागले आग्रह गरेको छ ।

प्रतिक्रिया