काठमाडौं, १४ असोज : जनता समाजवादी पार्टी नेपालका वरिष्ठ नेता डा. बाबुराम भट्टराईले काठमाडौं (पुरानो बसपार्कस्थल)को खुल्लामञ्चमा बुधबार बिहान सर्वसाधारणलाई खाना खुवाएका छन् ।
खुल्लामञ्चमा डा. भट्टराईले करिब आधा घण्टा सर्वसाधारणलाई खाना बाँडेका हुन् । खाना बाँड्दा उनले सर्वसाधारणहरुसँग केहीबेर कुराकानी समेत गरेका थिए । भट्टराईसँग जसपाकी नेतृ हिसिला यमी पनि पुगेकी थिइन् ।
कोरोना महामारीका कारण भएको लकडाउनका कारण कष्टप्रद जीवन बिताउँदै आएका सर्वसाधारणलाई यसअघि देखिनै हाम्रो टिम नेपाल नामको संस्थाले त्यहाँ खाना खुवाउँदै आइरहेको छ ।