पिएनपिखबर : नजिकिदै गरेको हिन्दुहरुको माहानचाड तिहारको अवसर पारेर गायक दुर्गेश थापाले बजारमा लाएको नयाँ गीत ‘ह्यापी तिहार चिसो वियर’को यति खेर निकै आलोचना भईरहेको छ। उनको गीतको शब्द र भिडियोमा मदिरालाई खुलमखुल्ला प्रशय दिएको भन्दै आलोचना भएको हो।
यसै विषयमा बोल्दै अधिवक्ता यज्ञमणि न्यौपानेले भने, ‘गायक दुर्गेशको यस गीतले सामाजिक, धार्मिक र साँस्कृतिक क्षेत्रमा ठेस पुर्याएको छ। नसच्चाएमा उनी जेल जान सक्छन।’
पिएनपिखबरसँगको कुराकानीमा मदिराको विज्ञापन दिएर दुर्गेश थापाको गीतले अराजकता फैलाएको उनले बताए। स्वतन्त्र अभिव्यक्ति दिएको छ भन्दैमा धर्ममा आँच पुर्याउन कसैले पनि नपाउने उनको भनाई छ। धार्मिक भावनामा आँच पुर्याउँदा कानुनमा २ वर्ष सम्म जेल हुने सजाय लेखिएको उनले जनाए ।
संस्कृतिलाई नै ओझेल पार्ने खालको यस्ता खालको गीतले धर्म संस्कृतिमाथि प्रहार गरिरहेको भन्दै उनले गुनासो गरे। गीत रिलिज भएको १ हप्ता वितिसक्दा समेत् सरकारको ध्यान नगएकोमा उनको आपत्ति छ।
यस अघि गायक दुर्गेश थापाको ‘हामी पनि नाच्नु पर्छ बीच बीचमा’ भन्ने तीजको गीत निकै हिट भएको थियो।
हेर्नुहोस भिडियो :