काठमाडौं, २३ साउन : सत्तारुढ नेपाल कम्युनिष्ट पार्टी (नेकपा)भित्रको विवाद उत्कर्षमा पुगिरहेको बेला नेताहरुबीच टीकाटिप्पणी बढ्न थालेको छ ।
यसै क्रममा प्रधानमन्त्री केपी शर्मा ओलीका मुख्य सल्लाहकार विष्णु रिमालले पार्टी प्रवक्ता नारायणकाजी श्रेष्ठलाई लक्षित गर्दै ट्वीट गरेका छन् ।
‘इनफ इज इनफ’ भन्दै उनले प्रवक्ता श्रेष्ठलाई मेन्सन गरेर ट्वीट लेखेका छन्, कमसेकम पार्टी प्रवक्ता पदको लाज त जोगाउनुस् र विधि र पद्धतिको नक्कली गीत गाउँदै नेताहरुलाई गुटबन्दीको आगोमा पोल्ने उत्तोलक नबन्नुहोस् ।’
उनले पार्टी एकताविरुद्ध कुनै पनि गतिविधि कतैबाट नहोस् भन्दै अगाडि लेखेका छन्, ‘देश संवेदनशील मोडमा छ, महसुस होस् ।’
