काठमाडौं, ६ बैशाख : राष्ट्रपति विद्यादेवी भण्डारीले सर्वोच्च अदालतमा दुई न्यायाधीश नियुक्त गरेकी छिन् । उच्च अदालत पाटनमा मुख्य न्यायाधीश रहेका झापाका डाक्टर कुमार चुडाल र उच्च अदालत सुर्खेतमा मुख्य न्यायाधीश रहेका म्याग्दीका नहकुल सुवेदीलाई राष्ट्रपति भण्डारीले सोमबार सर्वोच्च अदालतको न्यायाधीशमा नियुक्त गरेकी हुन् ।
राष्ट्रपति कार्यालयका प्रवक्ता रूपनारायण भट्टराईले विज्ञप्ति निकालेर न्याय परिषद्को सिफारिसमा राष्ट्रपतिले दुई न्यायाधीशलाई नियुक्त गरेको जानकारी गराएका छन् ।
