बलिउड नायक सैफअलि खान पुत्री सारा अलि खानले व्यापक रुपमा चर्चा बटुलिरहेकी छिन्। उनको डेब्यु फिल्म केदारनाथले बक्सअफिसमा असफल भए पनि साराले निकै चर्चा कमाईन् ।
साराको दोस्रो फिल्म सिम्बा अब रिलिजको तयारीमा रहेको छ । सबैको माया पाएर दंग साराले नेपाली दर्शक र फ्यानहरुलाई सम्बोधन गर्दे एक भिडियो सार्वजनिक गरेकी छिन् । उनले आफनो डेब्यु फिल्मलाई नेपाली दर्शकहरुले मन पराई दिएकोमा धन्यवाद दिएकी छिन् ।
केही शब्द नेपालीमा बोल्दै उनले भनेकी छिन् “कस्तो हुनुहुन्छ नेपाल ? मैले मेरो डेब्यु फिल्मबारे नेपालबाट प्रोत्साहन दिने र मायालु म्यासेजहरु पाईरहेको छु । यसले मलाई निकै कृतज्ञ बनाई दिएको छ । देवीदेवताको देश नेपालका सुन्दर महिला र बहादुर पुरुषहरुलाई यो मायाका लागि धेरै धेरै धन्यवाद” । सारा सैफअलि खानको पहिलो पत्नी अमृता सिंह पट्टीकी छोरी हुन् ।