बलप्रयोग गरेर भएपनि लकडाउनलाई प्रभावकारी वनाउन सुरक्षाप्रमुखहरुलाई मुख्यमन्त्री शाहिको निर्देशन

खगेन्द्र हमाल

सुर्खेत :कर्णाली प्रदेशका मुख्यमन्त्री महेन्द्रवहादुर शाहीले कोरोना भाईरस (कोभिड–१९) रोकथाम तथा नियन्त्रणको दोश्रो चरणको तयारीलाई तिव्रता दिन निर्देशन दिनुभएको छ । आईतवार मुख्यमन्त्री तथा मन्त्रिपरिषदको कार्यालयमा प्रदेश स्तरीय संकट नियन्त्रण केन्द्रको वैठकलाई सम्वोधन गर्दै मुख्यमन्त्री शाहीले कोरोना भाईरस संक्रमण दोश्रो चरणमा पुगेको र त्यसको रोकथाम तथा नियन्त्रणको तयारीलाई पुर्णरुपले तिव्रता दिन निर्देशन गर्नुभयो ।

प्रदेशका वडास्तरमा जनप्रतिनिधि, स्वास्थ्यकर्मी, सुरक्षाकर्मी र स्वयंसेवकको एकिकृत टीम तयार गरि रोकथाम तथा नियन्त्रणको कामलाई तत्काल प्रभावकारी वनाउन मुख्यमन्त्री शाहीले बिशेश जोड दिनुभयो।कर्णाली प्रदेशमा नेपालमै पहिलो पटक सिमानाकामाहरुमा हेल्थ डेस्क स्थापना स्वास्थ्य जाँच तथा आवागमणलाई कडाई गरेका कारणले नै अहिलेसम्म कर्णाली प्रदेशमा कोरोनाभाईरसको संक्रमण नदेखिएको वताउनुभयो ।


लकडाउनपछि लुकीछिपी विदेशवाट गाउँमा पुगेका नागरिकवाट धेरै संक्रमणको जोखिम रहेको वताउदै मुख्यमन्त्री शाहीले वढि संक्रमण भएका मुलुकवाट गाउँमा पुगेका नागरिकको तत्काल स्याम्पल संकलन गरेर परिक्षण कार्यलाई तिव्रता दिन निर्देशन दिनुभयो । मुख्यमन्त्री शाहीले प्रदेश, जिल्ला, पालिका र टोलस्तरमा कोरोना भाईरस (कोभिड–१९) रोकथाम तथा नियन्त्रणका लागि एकिकृत टोली निर्माण गर्ने र वडास्तरका टोलीहरुलाई प्रभावकारी रुपमा तत्काल परिचालन व्यवस्था मिलाउन निर्देशन दिनुभभयो ।

प्रदेशका प्रत्येक वडामा एकिकृत टोलीले सेल्फ क्वारेन्टाईन रहे नरहेको अनुगमण गर्ने, एक घरवाट अर्को घरमा हुने आवतजावतलाई कडाई गर्ने, खाद्यान्न वस्तुको अभाव भएका परिवारमा खाद्यान्नको आपुर्ती व्यवस्था मिलाउने संकास्पद विरामीको स्वाव संकलनमा सहयोग गर्ने लगायतका काममा बिशेश सहयोग गर्नुपर्ने उहाँको भनाई छ । विदेशवाट आएका नागरिक, गर्भवती, वालवालिका र ६० वर्ष माथिका नागरिकको स्वास्थ्य अवस्थालाई विशेष निगरानीमा राख्न आग्रह गर्दै मुख्यमन्त्री शाहीले संक्रमण शुरु भैहालेमा मृत्यूदरलाई सकेसम्म कम गर्ने तर्फ पनि ध्यान दिन जरुरी रहेको वताउनुभयो ।

बैठकमा मुख्यमन्त्री शाहीले कर्णाली प्रदेशका नागरिकको सुरक्षाको जिम्मेवारीप्रति संवेदनशिल हुन वलप्रयोग गरेर भएपनि लकडाउनलाई प्रभावकारी वनाउन सुरक्षाप्रमुखहरुलाई निर्देशन दिनुभयो । उहाँले दिनभर घरभित्र वस्ने र वेलुका चोक चौतारामा जम्मा हुनेहरुलाई वलप्रयोग गरेर भएपनि लकडाउनलाई प्रभावकारी वनाउनु निर्देशन दिनुभयो ।कर्णाली प्रदेश सरकारले स्वास्थ्यकर्मी र सुरक्षाकर्मीलाई संक्रमणवाट जोगाउन व्यक्तिगत सुरक्षा सामाग्रिको व्यवस्था गरिरहेको र अपुग सामाग्रि आपुर्तीको लागि सामाजिक विकास मन्त्रालय मार्फत तयारी भईरहेको पनि जानकारी दिनुभयो ।

प्रतिक्रिया