सिमानामा नयाँ नक्शासहितको होर्डिङबोर्ड राखियो

admin

काठमाडौं, ३० जेठ : मुलुकको पूर्वी नाका काकरभिट्टा प्रवेशद्वार मेची पुल नजिक नेपालको नयाँ नक्शा राखिएको छ ।

सत्तारुढ दल नेपाल कम्युनिष्ट पार्टी (नेकपा)को दुई भातृ संगठन अखिल नेपाल राष्ट्रिय स्वतन्त्र विद्यार्थी युनियन र युवा संगठन राष्ट्रिय युवा संघ मेचीनगर कमिटीले कालापानी लिम्पियाधुरा र लिपुलेकसहितको नयाँ नक्शा होर्डिङबोर्ड बिहीबार राखेको हो ।

झापा क्षेत्र नम्बर १ का प्रदेशसभा सदस्य गोपालचन्द्र बुढाथोकी र श्रीप्रसाद मैनालीले संयुक्त रुपमा नेपालको नयाँ नक्शा अनावरण गरेका हुन् ।

नेपालको नयाँ नक्सा जारी गरेर सरकारले देशको भौगोलिक अखण्डतालाई सुरक्षित राखेको प्रदेशसभा सदस्य बुढाथोकीले बताए ।

कार्यक्रममा युवा संघ नेता सरोज मेहरा, विनोद मण्डल, लुसन तिवारी अनेरास्ववियु नेता सन्तोष धमला लगायतको उपस्थिति रहेको थियो ।

प्रतिक्रिया