काठमाडौं, १० साउन : मेमोरि किँग भनेर चिनिने युएसएका प्रख्यात लेखक एवम् युटुबर नेल्सन डेलिसले विजय शाहीलाई मुर्ख बनाउने व्यक्ति भनेका छन् ।
आफूलाई मेमोरि किँग भनेर स्वघोषित मेमोरि किँग विजयी शाहीले आफूसँग कालीमाताको शक्ति रहेको भन्दै प्रख्यात लेखक नेल्सनलाई बोलाएर भिडियो बनाउन लगाएका थिए ।
युटुबमा नेल्सनले शाहीसँग लिएको स्मरण शक्तीको चेकजाँच भिडियोमै उनीसँग ठगी (स्क्याम) गरेको बताएका छन् । यसअघि नेल्सनलाई उनले आफू मेमोरि किँग हो भनेर परीक्षाको लागि बोलाएका थिए ।
तर, भिडियोमा विजय शाहीले नेल्सनलाई समेत मुर्ख बनाएको देखिन्छ । विजय शाहीले नेल्सनसँग स्कयाम गरेपछि नेपाली युटुबरहरुले नै उनले स्क्याम गरेको भनेर भिडियोहरु बनाएका थिए ।
शनिबार राती करिब ८ बजेको समयमा नेल्सन डेलिसले आफ्नो अधिकारिक युटुब च्यानलमा विजय शाही सम्बन्धी राखेको भिडियोमा आफू ठगीमा परेको बताएका छन् । सोही क्रममा उनले नेपाल एक सुन्दर देश रहेको र नेपालले यस्तो ठगी गर्ने व्यक्ति नपाउनुपर्ने बताएका छन् । विजय शाहीले नेपालीहरुलाई पनि मुर्ख बनाएको बताउँदै नेपाल यस्तो डिजर्भ नगरेको पनि बताएका छन् ।
आफूलाई पनि ठगेको भन्दै रिसाउँदै नेल्सनले अब विजय शाही उपर कुनै चर्चा नगर्ने तथा कुनै पनि भिडियो नबनाउने पनि घोषणा गरेका छन् ।
विजय शाहीको कर्तुतले नेपाल र नेपालीको शिर पनि झुकाएको छ । विजयी शाहीको यस्तो व्यवहारको कारण अन्तराष्ट्रिय स्तरमा देशको बारेमा गलत सन्देश प्रवाह पनि भएको छ । नेल्सनको विजय शाहीमाथिको भिडियोले देशको प्रतिष्ठामाथि पनि आँच आएको महसुस गरिएको छ ।