ललितपुर, ६ जेठ : ललितपुर महानगरपालिकामा गठबन्धनबाट नेपाली कांग्रेसका मेयर उम्मेदवार चिरीबाबु महर्जनको अग्रता कायमै छ । महर्जनले नाै हजार नाै सय ६९ मतकाे अग्रता लिइरहनुभएकाे छ ।
४५ हजार नाै सय दुई मत गन्दा महर्जनले २३ हजार पाँच सय २० मत ल्याउनुभएको छ । उहाँका प्रतिस्पर्धी नेकपा एमालेका हरिकृष्ण व्यञ्जनकारले १३ हजार पाँच सय ५१ मत पाउनुभएको छ ।
उपमेयरमा भने नेकपा एमालेले अग्रता लिएकाे छ । एमालेकी उम्मेदवार मञ्जली शाक्यले १३ हजार चार सय एक मत ल्याउँदा नेकपा माओवादी केन्द्रका बाबुराम बज्राचार्यले नाै हजार तीन सय ५८ मत प्राप्त गर्नुभएकाे छ ।