नेपाली जनताले एमसीसी स्वीकार गरेका छैनन्, कार्यान्वयन हुन दिन्नौँ : महासचिव विप्लव

admin

काठमाडौं, १३ भदौ : नेकपाका महासचिव नेत्रबिक्रम चन्द विप्लवले नेपाली जनताले एमसीसी स्वकार नगरेको भन्दै कार्यान्वयन हुन नदिने चेतावनी दिनुभएको छ ।

एमसीसी परियोजना कार्यान्वयन विरुद्ध बुधबार काठमाडौंमा नेकपा, वैज्ञानिक समाजवादी कम्युनिष्ट पार्टी, क्रान्तिकारी कम्युनिष्ट पार्टी लगाएतका दलले गरेको विरोध प्रदर्शनमा बोल्दै विप्लवले मुलुकको संसदलाई देश बेच्ने अधिकार नभएको र संसदले पारित गरेको एमसीसी जनताले समेत स्वीकार नगरेको अवस्थामा यसलाई कार्यान्वयन हुन नदिने चेतावनी दिनुभएको हो ।

उहाले एमसीसी आयोजना बिकास नभएको र नेपाली सार्वभौमिकताको विनास भएको र साम्राज्यवादको अतिक्रमण भएकाले अस्वीकार गरिएको धारणा राख्नुभयो । उहाले सरकारलाइ उचालेको भरले एमसीसी अघि बढाउन खोजे जनताले प्रतिकार गर्ने जिकिर गर्नुभयो ।

विप्लवले सरकारले साच्चिकै बिकास चाहे प्रधानमन्त्रीले एमसीसी खारेज गरेको घोषणा गर्नुपर्ने र सरकार जनताको पक्ष वा साम्राज्यवादको पक्षमा उभिने भन्ने प्रष्ट पार्नुपर्ने उल्लेख गर्नुभयो ।

मुलुकको बामपन्थी समाजवादीहरुलाई सखाप पार्ने नियतका साथ अमेरिकाले नेपालमा एमसीसी लाद्न खोजेको उहाको भनाइ छ ।

प्रतिक्रिया