काठमाडौं । सुनको मूल्यले आज फेरि नयाँ रेकर्ड बनाएको छ। नेपाली बजारमा बुधबार सुनको मूल्यमा बृद्धि हुँदै नयाँ रेकर्ड कायम भएको हाे।

नेपाल सुनचाँदी व्यवसायी महासंघका अनुसार आज छापावाल सुनको मूल्य मंगलबारको तुलनामा तोलामा १ हजार तीन सय रूपैयाँले बढेको हो। आज सुन तोलाको १ लाख ६१ हजार ८०० सय रूपैयाँमा कारोबार भइरहेको छ।

यस्तै, आज चाँदीको मूल्य पनि बढेको छ । बुधबार चाँदी तोलामा २५ रूपैयाँले बढेर प्रतितोला १ हजार ९ सय ५० रूपैयाँमा कारोबार भइरहेको महासंघले जनाएको छ।