एजेन्सी : चिसो मौसममा मेथीको उपभोग गर्नु निकै लाभदायक मानिन्छ । मेथीको अचार, पराठा, साग, मसाला यी सबै परिकार शारीरिक स्वास्थका लागि एकदमै फाइदाजनक मानिन्छ ।
मेथीको अर्को एउटा फाइदा पनि रहेको छ जुनबाट तपाई अनविज्ञ रहनु भएको हुनसक्छ । मेथीले तपाईको छालाको सौन्दर्यतालाई निखार्न निकै ठूलो सहयोग पुर्याउँछ ।
मेथीको पातमा सौन्दर्यवर्धक गुण रहेको हुन्छ जसले तपाईको छाला सम्बन्धि सम्पूर्ण विकारलाई हटाएर चमक ल्याउँछ । मेथीको दानाले अनुहारमा आउने खील भएको डण्डीफोरलाई रोक्न मद्दत गर्छ । यसबाहेक यसले अनुहारमा रहेका डण्डीफोर वा आगोले पोलेको घाउको दागलाई पनि हटाउन मद्दत पुर्याउँछ ।
यसका लागि सबैभन्दा पहिले तपाईले मेथीको फेस प्याक तयार गर्नुपर्छ । मेथीको फेस प्याक बनाउनका लागि तपाई त्यसको दानाको पीठो बनाएर त्यसलाई महसँग मिसाएर राख्नुहोस् । राती दैनिक सुत्न अघि त्यसलाई आफ्नो डण्डीफोरमा लगाउनुहोस् र बिहान हल्का चिसो पानीले पखाल्नुहोस् । केही दिन यस्तो प्रक्रियालाई निरन्तरता दिएपछि तपाईको डण्डीफोर हराएर जान्छ ।
मेथीको दानाले अनुहारको गम्भिर समस्या जस्तै चाउरी, कालो दाग, धर्का, संक्रमण आदिबाट छालाको रक्षा गर्छ । साथै यसले पुराना छालाका समस्याबाट पनि छूटकारा दिलाउँछ । यसले छालामा निखार र चमक पनि ल्याउने काम गर्छ ।
यसका लागि तपाईले मेथीको दाना, मेथी युक्त पानी, बेसन र दहीको प्रयोग गरेर फेसप्याक बनाउन सक्नुहुन्छ ।