काठमाडौं, कात्तिक १६ : नेपालमा पछिल्लो २४ घण्टामा २८२४ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो २४ घण्टामा २८२४ जनामा कोरोना संक्रमण पुष्टि भएको जानकारी दिनुभयो । पछिल्लो २४ घण्टामा १३०२३ जनाको पीसीआर परीक्षण गरिएको छ ।
काठमाडौं उपत्यकामा १६२२ जना संक्रमित थपिएका छन् । काठमाडौंमा १३६२, ललितपुरमा १६४ र भक्तपुरमा ९६ जना संक्रमित थपिएका छन् । स्वास्थ्य मन्त्रालयका अनुसार पछिल्लो २४ घण्टामा ३६२० जना डिस्चार्ज भएका छन् ।
योसँगै डिस्चार्ज हुनेको जम्मा संख्या १३४८४२ पुगेको छ । पछिल्लो २४ घण्टामा २३ जनाको कोरोना संक्रमणबाट मृ’त्यु भएको छ । योसँगै नेपालमा कोरोनाबाट मृ’त्यु हुनेको जम्मा संख्या ९६० पुगेको छ ।