अभिनेत्री दीपिका पादुकोणले सामाजिक सञ्जाल इन्स्टाग्राममा विवाहका दुई तस्वीर पोस्ट गरेकी छिन्। सार्वजनिक दुई तस्वीरमा दीपिका र रणवीर सिंह विवाह पहिरणमा देखिएका छन् ।
इटालीको लेक कोमोमा नोभेम्बर १४ र १५ मा विवाह गरेका उनीहरुले कोन्कानी र शिख रितिमा विवाह गरेका हुन् । उनीहरुका दुई तस्वीरले अहिले सामाजिक सञ्जालमा भरिएको छ । फ्यानहरुले सामाजिक सञ्जालमा दुई तस्वीर राख्दै शुभ कामना दिएका छन् ।
अहिले दीपिकाले विवाहमा पहिरिएकी गहनाका मुल्य बाहिरिएको छ । द हिन्दुस्तान टाइम्सले दीपिकाको इन्गेजमेन्ट औंठी करिव २ करोड माथि रहेको बताएको छ ।
यसअघि सोनम कपुरले ९० लाखको औंठी विवाहमा लगाएकी थिइन् भने अनुश्का शर्माले १ करोडको औंठी लगाएकी थिइन् ।