विदुर, १३ पुस : नुवाकोटको मुख्य प्रशासनिक अड्डा जिल्ला प्रशासन कार्यालयमा व्यवस्थित शौचालय नहुँदा सेवाग्राही मर्कामा परेका छन् । दैनिक ५०० भन्दा बढीको भीड रहने सो कार्यालयको शौचालय सरसफाइ नगरिँदा सर्वसाधारण दुर्गन्ध मर्का परेको छ ।
“छोराको नागरिकता बनाउन आको, पिसाब लाएर शौचालय गएको थिएँ बाहिरबाट त राम्रो सानो भवनै जस्तो देखिने चिटिक्कको थियो, भित्र जाँदा त के हेरिसाध्य रैछर”, सेवाग्राही निर्मला वस्तीले बताउनुभयो ।
निर्मला मात्र हैन छोरीको नागरिकता बनाइदिन आएका कृष्ण वस्ती पनि दिसा गर्न जाँदा शौचालय फोहोर भएपछि र पानीको अभाव देखेपछि बाहिर होटलबाट मिनिरल वाटर किनेर दिशा गर्न गएको बताउनुहुन्छ । कार्यालयका कर्मचारीका लागि सो कार्यालयभित्रै शौचालयको व्यवस्था भए पनि नागरिकलाई भने शौचालय जान ठूलै समस्या छ ।
प्रमुख जिल्ला अधिकारी उद्धवबहादुर थापा भन्नुहुन्छ, “सरसफाइमा कमी त भएको होला, दिनकै सयौँको ओहोदोहोर हुने कार्यालय प¥यो, प्यान भित्र पनि मानिसहरुले अनेक ढुङ्गाहरु हाल्दिन्छन्, कहिले धारा नै भाँिचदिने गरेर धेरै पटक सुधारेका पनि हौँ, अब प्यान सबै भरिएको छ, त्यसलाई खोल्न हामीले मान्छे पनि खोजिरहेका छाँै, शौचालय चाँडै सुधारमा आउँछ । प्रशासन कार्यालयमा महिला, पुरुष र अपाङ्गमैत्री गरी नौ शौचालय भए पनि सबै भरिएको छ ।
क्याम्पसको ताला खुला स्नातकोत्तर तहसम्म पठनपाठन हुंँदै आएको नुवाकोटको बट्टारस्थित नुवाकोट आदर्श बहुमुखी क्याम्पसका विद्यार्थीले क्याम्पसमा गरेको अनिश्चितकालीन तालाबन्दी १० महिनापछि बुधबारदेखि खुलेको छ ।
विदुर – ४ बट्टार बजारमा रहेको क्याम्पसमा विद्यार्थीले गत २०७४ साल चैत ८ गतेदेखि स्ववियु निर्वाचन हुनुपर्ने, क्याम्पसको हरहिसाबको छानबिन गरिनुपर्ने लगायत माग राख्दै क्याम्पस प्रमुखलगायत विभिन्न कक्षमा तालाबन्दी गरेका थिए । अनेरास्ववियू, अनेरास्ववियू(क्रान्तिकारी), नेविसङ्घ पक्षसंँग क्याम्पसको सहमतिअनुसार विद्यार्थीले तालाबन्दी खोलिदिएको क्याम्पस सञ्चालक समितिका अध्यक्ष श्रीराम श्रेष्ठले बताउनुभयो । विद्यार्थीको शैक्षिक माग पूरा गर्न क्याम्पस पक्ष सकारात्मक भएपछि विद्यार्थीले तालाबन्दी खोलिदिएका हुन् ।
–रासस