काठमडौँ, १७ माघ : आज बिहीबार नेपाली बजारमा सुनको मूल्य बढेको छ। हिजो बुधबार प्रतितोला ६१ हजार ५ सय रुपैयाँमा कारोबार भएको छापावाल आज ७ सयले बढेर ६२ हजार २ सय रुपैयाँमा कारोबार भईरहेको छ भने तेजावी सुन पनि प्रतितोला ७ सय रुपैयाँले नै बढेर ६१ हजार ९ सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ।
त्यस्तै गरी चाँदी तोलामा १० रुपैयाँ बढेर तोलाको ७ सय ८० रुपैयाँमा कारोबार भैरहेको छ। काठमाडौँ उपत्यका बाहेकका स्थानहरुमा भने नेपाल सुनचाँदी व्यवसायी महासंघले तोके बमोजिम सुन चाँदीको मूल्य केही तलमाथि हुन सक्नेछ।
अन्तर्राष्ट्रिय बजारमा सुनको भाउ बढेको तथा डलरको तुलनामा भारतीय रुपैयाँ कमजोर भएकाले नेपाली बजारमा सुन महंगो भएको हो।