भक्तपूर : पनीर पकौडा एकदमै स्वादिष्ट हुन्छ र बनाउन पनि सजिलो छ । आज हामी पनीर पकौडा बनाउन सिकाउँछौं।

सामग्री

• पनीर ३५० ग्राम
• बेसन २०० ग्राम
• रातो खुर्सानीको धूलो अलिकति
• धनियाँको धूलो आधी चम्चा
• नून स्वादअनुसार
• चाट मसला डेढ चम्चा
• तेल चाहिने जति
  विधि
• बेसनलाई एउटा भाँडोमा निकालेर त्यसमा रातो खुर्सानी, धनियाँको धूलो, एक ठूलो चम्चा तेल र नून हालेर पानी हाल्नुस्। अब यसको गाढा घोल बनाउनुस् र घोललाई आधा घन्टा त्यत्तिकै राख्नुस्।
• पनीरलाई ससानो टुक्रा पार्नुस्। टुक्राहरूमा चाट मसला दल्नुभए हुन्छ।
• कराहीमा तेल हालेर तताउनुस्।
• बेसनको घोललाई मज्जाले फिँट्नुस् ।
• पनीरको एक चौकोर टुक्रालाई बेसनमा चोप्नुस् र कराहीमा हाल्नुस्।
• एकचोटिमा तीनवटासम्म पकौडा यसरी नै तार्नुस्। गाढा खैरो हुन्जेल तार्नुस्। आगो मध्यम राख्नुहोला।
• तारेको पकौडा एउटा थालमा राख्नुस् । यो तात्तातो पकौडालाई धनियाँ वा गोलभेंडाको अचारसँग खान मज्जा आउँछ।
  माथि बताइएको पकौडाको परिकार चारजनाका लागि ठिक्क हुन्छ। एजेन्सी