काठमाडौं, फागुन २० : दुर्लभ वन्यजन्तु गैंडाका केटाकेटी जोगाउन धौधौ हुन थालेको छ । भदौयता दुई सातादेखि दुई वर्षभित्रका सात केटाकेटी मृत फेला परेका छन् । भाले गैंडा, बाघ र गाहीका कारण केटाकेटी मारिएको हुन सक्ने निकुञ्जका अधिकारीले बताए । चोरीसिकार रोकिए पनि अरु कारणले केटाकेटी मर्ने क्रम बढेको छ । केटाकेटी जोगाउन नसक्दा संरक्षणकर्मी चिन्तित छन् ।

चितवन राष्ट्रिय निकुञ्जका सूचना अधिकारी तथा सहायक संरक्षण अधिकृत गोपालबहादुर घिमिरेका अनुसार फागुन १४ गते दुई केटा मृत भेटिए । एउटा दुई वर्षको पोथी निकुञ्जको खोरिया मुहान क्षेत्रमा भेटिएको थियो । त्यसलाई अर्को गैंडाले हानेर घाइते बनाएको घिमिरेले जानकारी दिए । यो समाचार रमेशकुमार पौडेलले कान्तिपुरमा लेखेका छन् ।