पोखरा, २६ जेठ : माछा मार्ने क्रममा खोलामा डुबेर आज पोखरामा एक महिलाको मृत्यु भएको छ । पोखराको घारीपाटन बस्ने २४ वर्षीया युनिसा गुरुङको मृत्यु भएको गण्डकी प्रहरी प्रदेश कार्यालयले जनाएको छ ।
पोखरा–१७ स्थित डेभिटफल्स नजिकको काउसेघारीमा रहेको फुस्रेखोलामा डुबेर बेपत्ता भएपछि प्रहरीद्वारा खोजतलासका क्रममा उनी मृतावस्थामा फेला परेको बताइएको छ । यस विषयमा थप अनुसन्धान भइरहेको प्रहरीले जनाएको छ । रासस