पोखरा, २८ फागुन: गण्डकी प्रदेशमा आज भएका विभिन्न घटनामा परी चार जनाले ज्या*न गुमाएका छन् । प्रदेश प्र*हरी कार्यालय गण्डकीका अनुसार तनहुँ जिल्लामा ट्र्याक्टर दु*र्घटनामा दुई र रुखबाट खसेर एकको मृ*त्यु भएको छ भने गोरखामा एक जना मृ*तावस्थामा भेटिएका छन् ।
तनहुँ जिल्लाको देवघाट गाउँपालिका–५ देउतीखोलास्थित पुरानो बस्तीमा घाँस काट्ने क्रममा रुखबाट खसेर एक जनाको मृ*त्यु भएको प्र*हरीले जनाएको छ । रुखबाट घाँस झार्ने क्रममा अचानक हाँगा भाँचिएर लगभग ३० मिटर तल भुइँमा खस्दा स्थानीयवासी ७० वर्षीय लालबहादुर बोटे साजको मृ*त्यु भएको हो ।
सोही जिल्लाकै बन्दीपुर गाउँपालिका–५ कोरिकास्थित भित्री सडकखण्डमा बाउनभञ्ज्याङ आज बिहान भएको ट्र्याक्टर दु*र्घटनामा परी चालक र सहचालकको मृ*त्यु भएको प्र*हरी नायब उपरीक्षक राजेन्द्रबाबु रेग्मीले जनाकारी दिनुभयो ।
उहाँका अनुसार ग१त ४८०८ नं को ट्र्याक्टर अनियन्त्रित भई सडकबाट करिब १५० मिटर तल खस्न जाँदा चालक गोरखा पालुङटार–७ च्याङलीका २१ वर्षीय प्रेमकुमार र बन्दीपुर–४ नयाँपुल बस्ने २३ वर्षीय राजकुमार परियारको उपचारका क्रममा लक्ष्मी अस्पताल डुम्रेमा नि*धन भएको हो । गोरखा नगरपालिका–१३ स्थित कुँडुले भन्ने स्थानमा आज बिहान नाम तथा वतन नखुलेका अन्दाजी ४० वर्षीय पुरुष मृ*तावस्थामा भेटिएका हुन् ।