काठमाडौं, १० चैत : स्वास्थ्य संगठन (डब्ल्युएचओ) का अनुसार सोमबार मध्याह्नसम्ममा विश्वका १८६ देशमा कोरोना भाइरस (कोभिड-१९) संक्रमण फैलिएको छ ।
यी देशमा कुल २ लाख ९४ हजार ११० जना संक्रमित भएका छन् । यी मध्ये १२ हजार ९४४ जनाको मृत्यु भएको छ । विश्वमा कोरोना संक्रमितको संख्याका आधारमा मृत्युदर ४.४० प्रतिशत रहेको छ ।
सबैभन्दा धेरै युरोपेली मुलुक इटलीमा ५३ हजार ५७८ जनामा संक्रमण भएकोमा ४ हजार ८२७ जनाको मृत्यु भएको छ । इटलीको यो मृत्युदर ९.० प्रतिशत हो ।
युरोपकै अर्को मुलुक स्पेनमा मृत्युदर ५.३१ रहेको छ । हालसम्म २४ हजार ९२६ जनामा संक्रमण भएकोमा १ हजार ३२६ जनको मृत्यु भएको छ ।
बेलायतमा मृत्युदर ४.४६ प्रतिशत रहेको छ । त्यहाँ ५ हजार १८ जनामा संक्रमण देखिएकोमा २३३ जनाको मृत्यु भएको छ ।
फ्रान्समा मृत्युदर ३.९३ प्रतिशत रहेको छ । त्यहाँ हालसम्म १४ हजार २९६ जनामा कोभिड–१९ संक्रमण पुष्टि भएकोमा ५६२ जनाको मृत्यु भएको छ ।
टर्कीमा हालसम्म ९४७ जनामा संक्रमण भएकोमा २१ जनाको मृत्यु भएको छ । यो मृत्युदर २.२१ प्रतिशत हो ।
संयुक्त राज्य अमेरिकामा मृत्युदर १.३२ प्रतिशत रहेको छ । हालसम्म १५ हजार २१९ जनामा संक्रमण भएकोमा २०१ जनाको मृत्यु भएको छ ।
एशियाली मुलुकमा सबैभन्दा बढी मृत्युद इण्डोनेशियामा देखिएको छ । हालसम्म ५१४ जनामा संक्रमण भएकोमा ४८ जनाको मृत्यु भएको छ । यो मृत्यु दर ९.३३ प्रतिशत हो । हालसम्ममा यो नै सबैभन्दा बढी मृत्युदर हो ।
एशियाली मुलुकमा बढी मृत्युदर देखिएको अर्को देश हो इरान । यहाँ हालसम्म २१ हजार ६३८ जनामा संक्रण फेला परेकोमा १६८५ जनाको मृत्यु भएको छ । यो मृत्युदर ७.७८ प्रतिशत हो ।
जापानमा कोरोना संक्रमणको मृत्युदर ३.४४ प्रतिशत रहेको छ । हालसम्म १ हजार ४६ जनामा संक्रमण भएकोमा ३६ जनाको मृत्यु भएको छ ।
भारतमा मृयुदर १.४६ प्रतिशत रहेको छ । हालसम्म ३४१ जनामा संक्रमण पुष्टि भएकोमा ५ जनाको मृत्यु भएको छ ।
कोरोना भाइरस उत्पति भएको देश चीनमा हालसम्म ८१ हजार ४९९ जनामा संक्रणम फेला परेकोमा ३ हजार २६७ जनाको मृत्यु भएको छ ।
यो मृत्युदर ४.० प्रतिशत हो । अफ्रिकी मुलुकहरूमा संक्रमण देखिन थाले पनि मृत्युको संख्या थोरै छ ।