काठमाडौं, ७ जेठ : महानगरीय प्रहरी वृत्त कालिमाटीमा कार्यरत दुई प्रहरीलाई कोरोना भाइरसको सङ्क्रमण पुष्टि भएको छ।
एक जना नायब निरीक्षक र एक जवानलाई कोरोना सङ्क्रमण भएको वृत्त प्रमुख रुगम कुँवरले जानकारी दिएका छन् ।
दुवैलाई बलम्बुमा रहेको सशस्त्र प्रहरी अस्पतालमा राखिएको कालिमाटी वृतका प्रमुख रुगम कुँवरले जानकारी दिए । उनीहरु दुवै जना फिल्डमा खटिएका प्रहरी हुन्।
कोरोना भाइरसको सङ्क्रमण देखिएपछि वृत्त र सँगै रहेको ट्राफिक कार्यालय र महिला सेललाई सिल गरिएको छ ।