काठमाडौं, २७ जेठ : मंगलबार ३ सय २३ जना नयाँ संक्रमित थपिएसँगै नेपालमा संक्रमितको संख्या ४ हजार ८५ पुगेको छ ।
पछिल्लो २४ घण्टामा थप ३२३ जनामा कोरोना संक्रमण पुष्टि भएको छ । जसमध्ये २९२ जना पुरुष र ३१ महिला रहेका छन् ।
त्यस्तै नेपालमा कोरोना संक्रमणको कारण ज्यान गुमाउनेको संख्या १५ पुगेको छ भने अहिलेसम्म कोरोनाको उपचार गराएर ५८४ जना डिस्चार्ज भएको स्वास्थ्य मन्त्रालयका प्रवक्ता प्रा. डा. जागेश्वर गौतमले जानकारी दिए ।