एजेन्सी, १५ साउन : अमेरिकाको प्रतिनिधि सभाले आफ्ना सबै सदस्य र कर्मचारीलाई अनिवार्य मास्क लगाउन आदेश दिएको छ ।
सदनकी स्पीकर न्यान्सी पेलोसीले मास्क नलगाई प्रवेश गर्नेलाई च्याम्बरबाट बाहिर निकाल्ने चेतावनी दिएकी छिन् ।
उनले सदनमा मास्क बिना उपस्थित हुने गरेका सांसदमा कोरोना पोजेटिभ देखिएपछि यो चेतावनी दिएकी हुन् । अब च्याम्बरमा बोल्ने बेला मात्रै सदस्यले मास्क खोल्न पाउने छन् ।
अहिलेसम्म संसद्को तीन डेमोक्रेट र सात रिपब्लिकन गरि १० जनामा कोरोना पुष्टि भएको छ । अमेरिका कोरोना संक्रमित र ज्यान गुमाउने धेरै भएको देशको सूचीमा पहिलो स्थानमा छ ।
अमेरिकामा मात्रै अहिलेसम्म ४५ लाख ६८ हजारभन्दा धेरैमा कोरोना पुष्टि हुँदा १ लाख ५३ हजारको ज्यान गैसकेको छ ।