काठमाडाैं : सञ्चार गृहबाट पीडित पत्रकार/ कर्मचारीले बालुवाटारमा प्रदर्शन गरेका छन्। कोरोना महामारी बेला कतिपय सञ्चार गृहले न्यूनतम पारिश्रमिक पनि नदिएको भन्दै सञ्चार गृहको आलोचना हुँदै आएको छ।
नेपाल पत्रकार महासंघ श्रमजीवी हित प्रवर्द्धन समिति र सञ्चार गृहका पीडित पत्रकार/ कर्मचारीले संयुक्त रूपमा प्रदर्शन गरेका हुन्। श्रमजीवी पत्रकार ऐन कार्यान्वय नगर्ने/ नगराउने सरकार कहाँ छ भन्दै उनीहरूले प्रधानमन्त्री निवास बालुवाटारमा थाल ठटाएर प्रदर्शन गरेका हुन्।
कानुन नमान्ने सञ्चार गृहको सूची सार्वजनिक गरी सरकारी विज्ञापन रोक्का गर्न र विदेश भ्रमण गर्न नदिई तिनलाई कानुनी कारबाही गर्न उनीहरूले माग गरेका छन्।