काठमाडाैं, ५ पुष :अमेरिकी राष्ट्रपति डोनल्ड ट्रम्प र प्रथम महिला मेलानिया ट्रम्पले ह्वाइट हाउसभित्रै फोटो सूट गराउनुभएको छ । पूर्वमोडल समेत रहनुभएका मेलानियाले यस वर्षको क्रिसमसको शुभकामना दिनका लागि ह्वाइट हाउसभित्रै फोटोसूट गराउनुभएको हो ।
डोनाल्ड ट्रम्प राष्ट्रपति भएपछि प्रथम महिला बन्ने अवसर पाएर चार वर्ष ह्वाइट हाउसमा बस्ने अवसर पाउनुभएका मेलानियाले ह्वाइट हाउसबाट निस्कँदा निस्कँदै फोटोसूट गराउनुभएको हो ।
सन् २०१६ मा रिपब्लिकन उम्मेदवारका रुपमा डेमोक्रेट उम्मेदवार हिलरी क्लिन्टनलाई हराएर ह्वाइट हाउस प्रवेश गर्नुभएको ट्रम्प अर्को कार्यकालका लागि हालै सम्पन्न निर्वाचनमा पराजित भएपछि आगामी जनवरी २० बाट बाहिरिँदै हुनुहुन्छ ।
आफ्नै प्रशासनले गराएको निर्वाचनमा धाँधली भएको र डेमोक्रेट उम्मेदवार जो बाइडनले चुनाव जितेको प्रमाणहीन आरोप लगाइरहनुभएका उहाँले अझै पनि खुला हृदयले हार स्वीकार्नुभएको छैन ।
आफ्ना पति एवं मुलुकका राष्ट्रपति ट्रम्पसँग खिंचाएको फोटोलाई मेलानियाले क्रिसमस पोट्रेटका रुपमा सामाजिक सञ्जालमार्फत् सबैबीच शुभकामनासहित साझा गर्नुभएको हो । उहाँले राष्ट्रपति ट्रम्प आफ्नातर्फबाट मेरी क्रिसमसको शुभकामना भन्नुभएको छ ।
कालो प्यान्टसूट र सेतो सर्टमा ह्वाइट हाउस भित्रको भर्याङसँगै सजिनुभएका ट्रम्प दम्पत्तिका तस्वीर भने ह्वाइट हाउसभित्रकै अफिसियल फोटोग्राफरले लिएका हुन् ।
Merry Christmas from President Donald J. Trump and First Lady Melania Trump. @realDonaldTrump & @FLOTUS are seen December 10, in their official 2020 Christmas portrait,on the Grand staircase of the White House in Washington, D.C. (Official White House Photo by Andrea Hanks) pic.twitter.com/PA63RYGSKE
— Melania Trump (@FLOTUS) December 18, 2020