दाङ, माघ १२ : प्रधानमन्त्री केपी शर्मा ओलीले तोकिएकै समयमा निर्वाचन हुने दाबी गर्नुभएको छ । दाङको राप्ती गाउँपालिकाको लालमटियामा आफू निकट (नेकपा) जिल्ला संगठनले आयोजना गरेको वृहत जनसभालाई सम्बोधन गर्दै प्रधानमन्त्री ओलीले समयमै निर्वाचन हुने दाबी गर्नुभयो ।
उहाँले देश निर्वाचनको बाटोमा गइसकेको भन्दै ओलीले निर्वाचन गराउँदैनन् भन्नेको पछि नलागी चुनावको तयारीमा लाग्न समेत आग्रह गर्नुभयो ।
प्रधानमन्त्री ओलीले अध्यक्षद्वय पुष्पकमल दाहाल प्रचण्ड र माधवकुमार नेपाललाई लक्षित गर्दै बाटो बिराएको मान्छेको संज्ञा दिनुभयो । उहाँले देश विकासको लहरमा लागिसकेको बताउनुभयो ।