काठमाडौं, ५ जेठ : बुधबार नेपालमा सात हजार नौ सय ८९ जना कोरोना संक्रमित निको भएका छन् । योसहित नेपालमा कोरोना संक्रमणमुक्त हुनेको संख्या तीन लाख ६० हजार चार सय तीन पुगेको छ ।
यस्तै बितेको २४ घण्टामा आठ हजार एक सय ७३ जनामा कोरोना संक्रमण पुष्टि भएको छ । मन्त्रालयका अनुसार पीसीआर विधिबाट गरिएको परीक्षणमा आठ हजार ६४ जना र एन्टिजेन विधिबाट गरिएको परीक्षणमा एक सय नौ जनामा संक्रमण पुष्टि भएको हो ।
बुधबार पुष्टि भएका संक्रमितमध्ये दुई हजार चार सय ८६ जना काठमाडौं उपत्यकाका रहेका छन् ।यस्तै बितेको २४ घण्टामा कोरोना संक्रमणबाट दुई सय ४६ जनाको ज्यान गएको छ । योसहित नेपालमा कोरोनाबाट ज्यान गुमाउनेको संख्या पाँच हजार ६ सय ५७ पुगेको छ ।