काठमाडौं, १६ जेठ : चीन सरकारले अनुदानमा दिएको १० लाख डोज खोपमध्ये आठ लाख डोज खोप लिन भोलि नेपाल वायु सेवा निगमको जहाज भोलि चीन जाने भएको छ ।
राष्ट्रपति विद्यादेवी भण्डारीको पत्रसँगै चिनियाँ राष्ट्रपति सि जिनपिङले घोषणा गरेको अनुदानको कोरोना भाइरसविरुद्धको भेरोसेल खोप लिन जहाज चीन जान लागेको हो ।
भोलि जान लागेको वाइबडीले आठ लाख डोज भेरोसेल ल्याउने भएको छ । खोप लिनका लागि जहाज सोमबार राति ११ बजे त्रिभुवन विमानस्थलबाट उड्ने भएको नेपाल वायु सेवा निगमले जनाएको छ ।
चीनबाट खोप लिएर मंगलबार दिउँसो दुई बजे नेपालका लागि वाइडबडी प्रस्थान गर्ने तालिका रहेको छ । यसअघि पनि चीनले नेपाललाई आठ लाख डोज खोप अनुदानमा दिएको थियो ।