काठमाडौं, १४ असार : स्वास्थ्य तथा जनसंख्या मन्त्रालयले कसैले शुल्क मागेर कोरोनाविरुद्धको खोप उपलब्ध गराउने भन्दै ठगी गरेका उजुरी गर्न आग्रह गरेको छ ।
स्वास्थ्य मन्त्रालयले सोमबार एक सूचना जारी गर्दै कसैले शुल्क लिएर खोप लगाईदिने भन्दै ठगेमा तुरुन्तै स्थानीय प्रशासन वा मन्त्रालयमा उजुरी गर्न आग्रह गरेको हो ।
सरकारले कोरोना विरुद्धको खोप निशुल्क वितरण गरिरहेको जानकारी गराउँदै उमेर समुह तथा अत्यावश्यक क्षेत्र अनुसारले पालै पालो खोपको वितरण हुँदै आईरहेको समेत स्पष्ट पारेको छ ।
आफ्नो पालो कुरेर सरकारले दिएको निशुल्क लिन र पैसा तिरेर किन्ने हतारमा ठगीको शिकार नबन्न मन्त्रालयले अनुरोध गरेको छ ।