काठमाडौं, २६ असार : कांग्रेसका वरिष्ठ नेता रामचन्द्र पौडेलले महाधिवेशनमा शेरबहादुर देउवा विरुद्ध एक साझा उम्मेदवार खडा गर्ने बताएका छन्। पार्टी नेतृत्व परिवर्तन अत्यावश्यक रहेकाले व्यक्ति मात्र नभएर प्रवृत्तिको परिवर्तन पनि हुने पौडेलले बताए।

शनिबार क्रियाशील सदस्य छानबिन समितिको कामकारबाही अनुगमन गर्दै पौडेलले आफ्नो उम्मेदवारीमा सहमति जुट्नेमा विश्वस्त रहेको बताए। चित्तबुझ्दो कारण मिलेमा आफू उम्मेदवारी छोड्न पनि तयार रहेको उनको भनाइ थियो।