काठमाडौं, ३ साउन : नेकपा एमाले स्थायी कमिटी बैठक आज बस्दैछ । स्थायी कमिटी बैठक तुलसीलाल प्रतिष्ठान च्यासलमा बिहान ११ बजे बस्ने लागेको हो । आजै अपराह्न ४ बजे प्रतिनिधि सभाको बैठक बोलाइएको छ ।
प्रतिनिधि सभामा पार्टीको भुमिका, पार्टीभित्र देखिएका समस्या समाधान र सोमवार बस्ने केन्द्रीय कमिटी बैठकको सम्बन्धमा छलफल गरिने बताइएको छ ।
बैठकमा वरिष्ठ नेता माधवकुमार नेपाल पक्षका स्थायी कमिटी सदस्यलाई पनि बोलाइएको छ तर नेपाल पक्षले बैठक सार्ने माग गर्दै आएकोले उपस्थित नहुने भएको छ ।
अघिल्लो स्थायी कमिटी बैठकले कार्यदल भंग गरिसकेको भएपनि कार्यदलमा रहेका सदस्यहरु निरन्तर पार्टी एकताको पक्षमा भन्दै अनौपचारिक छलफलमा जुटिरहेका छन् ।