काठमाडौं, ५ साउन : प्रधानमन्त्री शेरबहादुर देउवा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ निवास खुमलटार पुगेका छन् । प्रधानमन्त्री देउवा अध्यक्ष दाहाल पत्नी सीता दाहालको स्वास्थ्य स्थिति बुझ्न खुमलटार पुगेका हुन् ।
अध्यक्ष दाहालका प्रेस विज्ञ विष्णु सापकोटाका अनुसार प्रधानमन्त्रीले पहिल्यैदेखि सीता दाहालको स्वास्थ्य अवस्थाको बारेमा बुझ्न खोज्दै थिए, त्यही क्रममा मंगलबार खुमलटार पुगेका हुन् । पार्किन्सन रोगका कारण लामो समयदेखि दाहालकी पत्नी सीता अस्वस्थ छिन् ।