काठमाडौं, २१ भदौ : सोमबार शेयर बजार कारोबार मापक नेप्से एक सय ६१ भन्दा धेरै अङ्कले बढेको छ । नेप्से एक सय ६१ दशमलव ९४ अङ्कले बढेर दुई हजार नौ सय ८० दशमलव ७८ विन्दुमा पुगेको छ । सोमबार नेप्से पाँच दशमलव ९४ प्रतिशतले बढ्यो ।
(हिजो) आइतबार शेयर बजार एक सय आठ अङ्कले घट्दा दुई सय नौ वटा कम्पनीको शेयर राताम्मे भएको थियो । सोमबार सबै समूहको शेयर बढेकोमा ४२ वटा कम्पनीको शेयर १० प्रतिशतले बढेको छ । बैंकिङ समूहको शेयर ७८ अङ्कले, व्यापारको एक सय ३३ अङ्कले, विकास बैंकको पाँच सय तीन अङ्कले र निर्जीवन बीमा समूहको शेयर ६ सय ४३ अङ्कले बढेको छ ।
सोमबार दुई सय २४ वटा कम्पनीको एक करोड ७९ लाख कित्ता शेयर नौ अर्ब ८२ करोड रुपैयाँमा कारोबार भएको छ । सबैभन्दा धेरै अरुण भ्याली हाइड्रोपावरको ४६ करोड रुपैयाँ बराबरको शेयर कारोबार भएको छ ।