एजेन्सी, २ पुस : फ्रान्सेली रक्षामन्त्री फ्लोरेन्स पार्लीले भारतको अनुरोधमा थप राफेल विमान उपलब्ध गराउन फ्रान्स तयार रहेको बताएकी छिन् ।
विकासोन्मुख देशका लागि अनुसन्धान तथा सूचना प्रणालीका अध्यक्ष तथा फ्रान्सका लागि भारतका पूर्वराजदूत डा. मोहन कुमारसँगको (आज) शुक्रबारको कुराकानीमा रक्षामन्त्री पार्लीले यस्तो टिप्पणी गरेकी हुन् ।
‘हामी भारतले गर्न सक्ने कुनै पनि अतिरिक्त आवश्यकता वा अनुरोधहरूको जवाफ दिन तयार छौँ । हामीलाई थाहा छ कि विमान वाहक छिट्टै डेलिभरी हुनेछ । विमान चाहिन्छ । त्यसैले हामी भारतको निर्णय हो भने अन्य कुनै पनि राफेल उपलब्ध गराउन तयार छौँ’, उनले थपिन् ।
आफ्नो भारत भ्रमणका क्रममा आयोजित एक कार्यक्रममा बोल्दै रक्षामन्त्री पार्लीले फ्रान्सले अन्य कुनै पनि देशले भन्दा बढी भारतीय सामग्रीको आवश्यकता बुझेको बताइन् । ‘र हामी मेक इन इन्डियाको पहलका साथसाथै हाम्रो विश्वव्यापी आपूर्ति शृङ्खलाहरूमा भारतीय उत्पादकहरूलाई थप एकीकरण गर्न पूर्णरूपमा प्रतिबद्ध छौँ’, उनले भनिन् ।
फ्रान्सले भारतलाई ३० राफेल विमान उपलब्ध गराएको बेला यस्तो प्रतिक्रिया आएको हो । अर्को वर्ष अप्रिलमा थप ६ वटा विमान उपलब्ध गराउने तयारी छ ।