काठमाडौं, २८ पुस : चीनसँग जोडिएका केरुङ र खासा नाका खुला गर्न माग गर्दै विरोध प्रदर्शन भएको छ ।
(आज) बुधबार माइतीघर मण्डलामा सिन्धुपाल्चोकका स्थानीयवासीले चीनसँग जोडिएका केरुङ र खासा नाका खुला गर्न माग गर्दै विरोध प्रदर्शन गरेका हुन् ।
आन्दोलनमा सहभागी भएका अमीर तामाङले चीन आवतजावत गर्ने केरुङ र खासा नाका खुला गर्न सरकारलाई आग्रह गरे ।
आन्दोलनकर्मीहरूले नेपाल-चीन नाका खुला गर, विद्यार्थीहरूको भविष्यमाथि खेलबाड गर्न पाइँदैन, हुम्ला जिल्लामा रहेको १२ नम्बर पिल्लर सार्न पाइँदैन, नेपाली भूमि अतिक्रमण बन्द गर लगायतका नारा लगाएका थिए ।