काठमाडौं, १६ फागुन: बिगत आधा दशक देखि गायनमा सक्रिय रहँदै आएकी गायिका हुन सरिता भारती । हिन्दुहरुको महान चाड शिवरात्रीलाई लक्षित गरेर गायिका सरिताले यतीबेला शिब अबतारमा फोटो सेसन गरेकी छिन् ।
त्यसो त सरिताले यो अबधिमा डेढ दर्जन भन्दा बढी गीतहरु दर्शक श्रोतामाझ ल्याईसकेकी छिन् । पाँच वर्ष अघि मेरो जवानी…लोकपप गीत बजारमा ल्याएपछि उनका गीतहरु बजारमा नियमित आएका छन् ।
लँुडो र तास…, पहिलो भेटमै…, यसपालीको दशैं…, रातो सारी लरक्कै, बजाई देउन बाजा…, हे गाजली…, असारै मास(झरी), चिया पकाउ…जस्ता विभिन्न चर्चित गीत बजारमा ल्याईसकेकी सरिताको थप नयाँ दुई वटा गीतहरु रेकर्ड भएका छन् । उनका ती नयाँ गीत चाँडै नै बजारमा आउँदैछन् ।
उनै गायिकाले यो पटकको शिबरात्रीको अबसर पारेर शिब अबतारमा फोटो सुट गराएकी छिन् । गायनसँगै पछिल्लो समय मोडलिङमा समेत ब्यस्त सरिताको यी तस्बिरहरु फोटो पत्रकार बद्री थापाले खिचेका हुन् ।
उनलाई शिबको रुपमा चेली मेकअप स्टुडियोकी मेकअप आर्टिस्ट बिना रानामगरले तयार गरेकी हुन् । शिबरात्रीको अबसर पारेर यो फोटो सुट गरिएको गायिका सरिता भारतीले बताएकी छिन् ।