काठमाडौं,२१ फागुन : नेकपा एमालेका वरिष्ठ उपाध्यक्ष ईश्वर पोखरेलले एमसीसीको व्यख्यात्मक घोषणा केहि दलको लाज छोप्ने टालो मात्र भएको टिप्पणी गर्नुभएको छ ।
ओखलढुंगा काठमाडौं सम्पर्क मञ्चले शनिबार काठमाडौंमा गरेको कार्यक्रममा पोखरेलले गठबन्धन नै टुट्ने भएपछि बाध्य भएर एमसीसीको व्यख्यात्मक घोषणा ल्याएको र सो घोषणा केहि दलको लाज छोप्ने टालो मात्र भएको टिप्पणी गर्नुभएको हो । एमसीसीको व्यख्यात्मक घोषणा बसवास भएको उहाको भनाई छ ।
पोखरेलले राष्ट्रिय स्वाधिनता र स्वतन्त्रतामा असर नपर्ने गरि मुलुकको हितका लागि अन्य देशको सहयोग स्वीकार गर्नुपर्ने धारणा राख्नुभयो ।त्यस्तै उहाले ताजा जनादेशमा जान्छु भन्दा नमान्ने तर संविधान रक्षा गर्ने नाममा आपराधिक काम भएको भन्दै घृणित दक्षिणपन्थी अवसरवादको अगुवाई माधव नेपालले गरेको बताउनुभयो ।
उहाले एमालेलाई मार्गदर्शन गर्ने बिचार जनताको बहुदलिय जनवाद नै भएकाले बिचारबाट तलमाथि हुन नसक्ने स्पष्ट पार्नुभयो । पोखरेलले आगामी स्थानीय तहको निर्वाचनको तयारीमा जुट्न कार्यकर्तालाई निर्देशन दिनुभयो ।