काठमाडौं, २ चैत : प्रकाश सपुतको पीर गीतवारे नेकपा एमालेका अध्यक्ष केपी शर्मा ओलीले पनि प्रतिकृया दिएका छन् ।
गायक प्रकाश सपूतको पछिल्लो गीति भिडिओ ‘पीर’ का कारण नेकपा माओवादी केन्द्रमा हलचल भएको छ । अनेमसंघको तेस्रो पूर्ण बैठकलाई मंगलबार काठमाडौंमा सम्बोधन गर्दै ओलीले ‘पीर’ गीतिबारे माओवादीलाई कटाक्ष गरेका हुन्।
उनले आफूलाई गीत गाउन, गुन्गुनाउन नआउने भन्दै तिम्रो मायाले मलाई पीर दियो गीतको एक लाइन पनि सुनाए। अहिले ‘पीर’ गीत बडो प्रचलित छ।
खुबै यसको चर्चा सुनेका छौँ हामीले, ओलीले भने, ‘यो गीतले कुनै कुनै पार्टीलाई उधुमै भएको छ।’ ओलीले गीतैले थर्किने यी त नाम मात्रका कम्युनिष्ट भएको समेत बताए ।
केही नेताहरुले प्रकाश सपुतलाइ युट्युववाट गीत हटाउन सार्वजनिक चेतावनी दिएका छन् । यद्धपी अध्यक्ष पुष्पकमल दाहाल प्रचण्डले भने गीतलाई लिएर धेरै उत्तेजित हुन आवश्यक नभएको प्रतिकृया दिएका छन् ।