काठमाडौँ, १६ चैत; मेडिकल व्यवसायी तथा एमाले नेता दुर्गा प्रसाईले आगामी निर्वाचनमा एकीकृत समाजवादीले एक सिट पनि नजित्ने दाबी गरेका छन्।
भक्तपुरमा आफ्नै लगानीमा निर्माण गरिएको अर्गानिक तरकारी बजारको बुधबार उद्घाटन कार्यक्रममा उनले नेकपा एसले एक सिट पनि नजित्ने दाबी गरेका हुन्।
उनले भने, ‘अरुको भन्दिनँ, माओवादी र नेकपा एस भन्ने नक्कली कम्युनिष्ट पार्टीहरूले नेपालको कुनै पनि निर्वाचन क्षेत्रबाट एकमात्र पनि सिट जितेछन् भने मेरो सम्पूर्ण सम्पत्ति तिनीहरूले इच्छ्याइएको व्यक्तिको नाममा पास गरेर संन्यास ग्रहण गरेर बृन्दावन जानेछु। मेरो यही भनाइलाई प्रमाण मानेर दाबी लिए पुग्छ।’
नेपालमा कम्युनिष्टको नाममा रहेका बेइमानी र कुठाराघात गर्ने काममात्र गर्दै आएको उनको दाबी छ।