काठमाडौँ, २५ जेठ : अर्थमन्त्री जनार्दन शर्माले पूँजीबजारमा देखिएका समस्या समाधानका लागि सुझाव समिति गठन गरिएको जानकारी दिनुभएको छ ।
नेपाल धितोपत्र बोर्डको ३० औं वार्षिकोत्सव समारोहमा बुधबार काठमाडौंमा आयोजित कार्यक्रममा अर्थमन्त्री शर्माले धितोपत्र र पूँजीबजार क्षेत्रमा देखिएको बिबिध समस्यामा समाधान गर्नका लागि बुधबार नै सुझाव समिति गठन गरिएको जानकारी दिनुभयो ।
अर्थमन्त्रालय, राष्ट्र बैक र धितोपत्र बोर्डको सहभागितामा चार सदस्यीय सुझाव समिति गठन गरिएको उहाले बताउनुभयो । समितिले दिएको सुझावका आधारमा सुधारका कामहरु सुरु गर्ने उहाको भनाई छ ।
त्यस्तै अर्थमन्त्री शर्माले आफुले नेतृत्व सम्हाले देखि धितोपत्र बजार देखिएका समस्याहरु पहिचान गर्दै सुदृढ गर्ने काम भएको र नयाँ प्रविधिलाई भित्राउनुपर्ने धारणा राख्नुभयो ।
उहाले लगानीकर्ताको हित संरक्षणका लागि नियमनकारी संस्थाको क्षमता अभिवृद्धि गर्नुपर्नेमा जोड दिनुभयो । उहाले स्वचालिक कारोवार प्रणालीलाई बिश्वनियता बनाउनुपर्ने र सहज रुपमा कारोवारको अवस्था सिर्जना गर्नुपर्ने जिकिर गर्नुभयो ।