मेलम्ची, ७ मङ्सिर : सिन्धुपाल्चोक–१ (१) मा नेपाली कांग्रेसको उम्मेदवार मसिना खड्का भण्डारी विजयी हुनुभएको छ ।
जिल्ला निर्वाचन अधिकारी विकास रिजालका अनुसार उहाँले नेकपा (एमाले)का उम्मेदवार युद्धविक्रम तामाङलाई पराजित गर्नुभएको हो ।
खड्काले १४ हजार छ सय ५२ मत ल्याउनुभएको छ । उहाँका निकटतम् प्रतिस्पर्धी युद्धविक्रम तामाङले १३ हजार चार सय ९० मत ल्याउनुभएको छ ।
एक हजार एक सय ६२ मतले खड्काले निर्वाचन जित्नुभएको जिल्ला निर्वाचन कार्यालय सिन्धुपाल्चोकका निर्वाचन अधिकारी रिजालले जानकारी दिनुभयो ।